Centro de Interpretación de Caldoval

O pasado mes de outubro realizamos, xunto aos nosos compañeiros e compañeiras de 2º, a primeira saída do curso ao Centro de Interpretación de Caldoval en Mugardos.

Coñecemos o museo e descubrimos como vivían e coidábanse os habitantes da Galicia romana.

Puidemos ver como funcionaban os baños do circuíto termal, como se vestían os bañistas, os deportes que realizaban e unha chea de cousas máis.

 

Despois de coñecer o museo, convertémonos en cociñeiros participando no taller didáctico "A cociña de Apicio" no que coñecemos os alimentos que degustaban na época romana e como era a súa elaboración.

Así termina a nosa divertida visita! Agora xa sabemos como era a vida nuns baños privados romanos fai uns 2000 anos.

Esperamos volver pronto a realizar outro taller :)

Escola de Mobilidade de Ferrol

 O pasado venres día 10, as nenas e nenos de 4º visitamos o Parque de Mobilidade de Ferrol, que se inaugurou este ano en Fimo.

Alí recibiunos moi amable Eugenia, quen nos ensinou moito sobre seguridade viaria e normas de tráfico para poder conducir os karts polo circuíto de maneira segura e respectando os sinais.

Pasámolo xenial conducindo os karts por un circuíto que simula unha cidade. Tivemos que pasar por rotondas, atender a semáforos , pasos de peóns tridimensionales e ter moito coidado de non atropelar aos nosos compañeiros e compañeiras que actuaban de peóns mentres outros conducían.

 

Eugenia explicounos a diferenza entre calzada e estrada, a dirección polas que debemos conducir e camiñar ou como actuar ante semáforos cando están en ambar.

Para terminar a actividade, despois de pasar unha mañá moi divertida, deixamos as nosas pegadas na parede de Fimo como recordo do noso paso polas instalacións.

 

 

Terrorífico SAMAÍN 2018

 O pasado mércores celebramos o Samaín no noso cole.

As aulas enchéronse de esqueletos, bruxas, demos e outros personaxes terroríficos... que medo!

Pero non viñeron sós, trouxeron unhas monstruosas cabazas que expuxeron á entrada do cole.

Á primeira hora, a ANPA do cole entregou os premios do concurso "Historias do Samaín"

Unha entrega de premios emocionante con moitos agasallos e felicitacións para todos e todas.

Parabéns a todos porque este ano os traballos foron espectaculares

Na nosa aula de 4º, os premiados foron: Lucas, Iria e Brais.
Aquí os temos recollendos os seus agasallos

 

E como non podía ser doutra maneira, tamén houbo unha festa terrorífica onde comemos chuches, bailamos, cantamos e xogamos...